એક ચાંદરડું બારીમાંથી ઘરને અજવાળી ગયું,
હું મથ્યો સૂરજ થવા, તોયે ઘરમાં અંધારું થયું.
*
ટમટમતો તારલિયો નાનો, રોજ મારગ ચીંધે,
આગળ વધવા તત્પર થયો, અનેક નજરું વીંધે.
*
પવનની લહેરખી એક, ઘણું બધું ઉડાડી ગઈ,
મેં ફૂંક મારી તણખલાને, મારી જ બૂરી વલે થઈ.
*
એક અંગારો આગનો નાનો, કેવી આગ લગાડી ગયો,
કામ ન આવ્યો હું ક્યાંય, બળી-બળીને ભલે રાખ થયો.
*
પાણીનું બુંદ નાનકડું, તરસમાં કરાવે હાશકારો,
હું ‘સાગર’ ભલેને થયો, સ્વાદ મારો રહ્યો ખૂબ
ખારો.
*
- ‘સાગર’ રામોલિયા
ટિપ્પણીઓ નથી:
ટિપ્પણી પોસ્ટ કરો