રાવણને મારો

મનમાં બેઠેલા રાવણને મારો,

ખૂબ જ છકેલા રાવણને મારો.

ભ્રષ્ટાચાર નામે ભોરીંગ છે ઊભો,

નીતિથી વંઠેલા રાવણને મારો.

મનના ગુલામો હાંવ કરો હવે,

મતિભ્રષ્ટ થયેલા રાવણને મારો.

ક્યું ક્ષેત્ર છે બાકી હવે લૂંટવામાં,

હદને ભૂલેલા રાવણને મારો.

‘સાગર’ જુવોને વળ્યો આંક આડો,

તોફાને ચડેલા રાવણને મારો.

‘સાગર’ રામોલિયા

ફૂલોની રસમ (ગીત)

(રાગ : બહુત પ્યાર કરતે હૈ... સાજન)

http://www.youtube.com/watch?v=jJGRqlvRuOo

જગમાં ફૂલોની છે અનોખી રસમ, (૨)

હસે ને હસાવે, હસે ને હસાવે,

                દૂર કરે ગમ, જગમાં...

ફૂલોની દુનિયા છે ભારે બહુરંગી, (૨)

એવાં મળી જાય, જાણે સુખ-દુ:ખના સંગી,

વાયુને મહેકાવે, વાયુને મહેકાવે,

                છોડે એ ફોરમ, જગમાં...

ફૂલોની ફૂલવાડીનો અનોખો પરિવાર, (૨)

આનંદમાં લહેરાતાં, દુ:ખ ન લગાર,

મસ્તીમાં રચાવે, મસ્તીમાં રચાવે,

                નાચે છમછમ, જગમાં...

મધમાખી-કીટકોની મજાની બજાર, (૨)

હસી-ખુશી ફેલાવતાં પ્રેમ એ અપાર,

કામણ ફેલાવે, કામણ ફેલાવે,

                ચમકે ચમ-ચમ, જગમાં...

ફૂલોની દુનિયામાં કરો જો નજર, (૨)

તેમાં ડૂબો તો થાય નશાની અસર,

રંગોથી સજાવે, રંગોથી સજાવે,

                દુનિયા હરદમ, જગમાં...

-         'સાગર' રામોલિયા