રસ્તાઓ પૂરા કરો બંધ, નેતા
આવ્યા!
સુરક્ષાનો કરો પ્રબંધ, નેતા
આવ્યા!
*
બસોના રુટ અટકાવો, નેતા આવ્યા!
મુસાફરોને રઝડાવો, નેતા આવ્યા!
*
મેદની ઉપાડી લાવો, નેતા આવ્યા!
ભૂખે-તરસે તડપાવો, નેતા આવ્યા!
*
વિકાસનાં થશે ભાષણ, નેતા આવ્યા!
લોકો કરશે ગણગણ, નેતા આવ્યા!
*
પેકેજથી મલકશે મુખ, નેતા આવ્યા!
હકીકતથી થશે દુ:ખ, નેતા આવ્યા!
*
માનો, આખી છે સરકાર, નેતા આવ્યા!
ભલેને લાગે તીક્ષ્ણ ધાર, નેતા
આવ્યા!
*
‘સાગર’ નેતા ઈ તો નેતા, નેતા આવ્યા!
ભલેને ગમે-તેવું કહેતા, નેતા
આવ્યા!
*
- (નોંધ : આ રચના રમૂજ માટે લખેલ
છે. માથે ન ઓઢવું.)
- ‘સાગર’ રામોલિયા
ટિપ્પણીઓ નથી:
ટિપ્પણી પોસ્ટ કરો