(૫)
સંગીતના સપ્તસૂર ફૂલોની દુનિયા,
ભાવનાનું ઘોડાપૂર ફૂલોની દુનિયા.
‘સાગર’ આ દુનિયા છે ખૂબ નિરાળી,
નિરાશાને કરે ચૂર ફૂલોની દુનિયા.
(૬)
ઈશ્વરનો હૈયાહાર ફૂલોની દુનિયા,
પૃથ્વીનો ધબકાર ફૂલોની દુનિયા.
‘સાગર’ આ દુનિયા રસભર્યું વાદળ,
વરસે સાંબેલાધાર ફૂલોની દુનિયા.
(૭)
સૂર્ય જેવું ચમકે ફૂલોની દુનિયા,
ઝાંઝર જેવું ઝમકે ફૂલોની દુનિયા.
‘સાગર’ આ દુનિયાથી રહેશો ન દૂર,
અત્તર જેવું ધમકે ફૂલોની દુનિયા.
(૮)
ફેલાવે સદા સુવાસ ફૂલોની દુનિયા,
અલૌકિક રમાતો રાસ ફૂલોની દુનિયા.
‘સાગર’ સર્જનહારનો માનો આભાર,
બનાવી જેણે ખાસ ફૂલોની દુનિયા.
- ‘સાગર’
રામોલિયા
ટિપ્પણીઓ નથી:
ટિપ્પણી પોસ્ટ કરો