કાળની થપાટો સામે મિનારા શું કરે?
સૂર્ય વરસાવે આગ, સિતારા શું કરે?
સૃષ્ટિના સર્જકનો અદ્ભુત ચમત્કાર,
કુદરતની કલા સામે ચિતારા શું કરે?
નશો તો દારૂનો કંઈ ન કહેવાય,
નજરના કેફ સામે પિનારા શું કરે?
આગ બધી એક છે, બાળે જુદી રીતે,
અંતરની આગ સામે તિખારા શું કરે?
મઝધારને પૂછો તો વાત મળે જુદી,
'સાગર' મારતો મોજાં, કિનારા શું કરે?
- 'સાગર' રામોલિયા
સૂર્ય વરસાવે આગ, સિતારા શું કરે?
સૃષ્ટિના સર્જકનો અદ્ભુત ચમત્કાર,
કુદરતની કલા સામે ચિતારા શું કરે?
નશો તો દારૂનો કંઈ ન કહેવાય,
નજરના કેફ સામે પિનારા શું કરે?
આગ બધી એક છે, બાળે જુદી રીતે,
અંતરની આગ સામે તિખારા શું કરે?
મઝધારને પૂછો તો વાત મળે જુદી,
'સાગર' મારતો મોજાં, કિનારા શું કરે?
- 'સાગર' રામોલિયા
ટિપ્પણીઓ નથી:
ટિપ્પણી પોસ્ટ કરો