(લગાગા લગાગા લગાગા લગાગા લગાગા લગાગા)
લગીરે મળી તો લઈએ, જઈને બગીચે ફરીએ,
વહાલો વહાવી વહીએ, જઈને બગીચે ફરીએ.
પહેલા કરેલી બધી વાત તાજી કરીએ ફરીને,
સુગંધી પળોમાં ઢળીએ, જઈને બગીચે ફરીએ.
ભલી જિંદગીને સજાવા અહીં સ્વપ્ન જોયાં
હતાં જે,
ફરી ચાલને નીરખીએ, જઈને બગીચે ફરીએ.
અહીં આપણે ખૂબ ખાધી હતી વાનગીઓ મજાની,
ફરી સ્વાદ એ પીરસીએ, જઈને બગીચે ફરીએ.
હવે ચાલ ‘સાગર’ પુરાણી કથાઓ જ છોડી દઈએ,
નવી વાતને આદરીએ, જઈને બગીચે ફરીએ.
- ‘સાગર’
રામોલિયા
ટિપ્પણીઓ નથી:
ટિપ્પણી પોસ્ટ કરો