'સાગર' રામોલિયા: Muktak

.
કોમેન્ટ કેવી રીતે કરશો?
પોસ્ટની નીચે જ્યાં કોમેન્ટ લખેલ છે ત્યાં ક્લીક કરવાથી કોમેન્ટ
માટેનું ફોર્મેટ આવશે. તેમાં નામ/URL લખેલ છે ત્યાં કલીક
કરવાથી નામ લખવાની જગ્યા આવશે. ત્યાં માત્ર નામ લખીયે
તો પણ ચાલે. બાકીની વિગત લખવાની જરૂર જ નથી. આપની
ઈચ્છા હોય તો પૂરી વિગત લખી શકો છો. અને નામ ન લખીયે
તો પણ ચાલે છે. નામ ન લખીયે તો તે કોમેન્ટ 'અજ્ઞાત' નામથી
પ્રકાશિત થાય છે.

લેબલ Muktak સાથે પોસ્ટ્સ બતાવી રહ્યું છે. બધી પોસ્ટ્સ બતાવો

સોમવાર, 4 નવેમ્બર, 2013

શુભેચ્છા

રવિવાર, 16 ડિસેમ્બર, 2012

ફૂલોની દુનિયા (મુકતકો) Part-3

-->

(૫)

સંગીતના સપ્તસૂર ફૂલોની દુનિયા,

ભાવનાનું ઘોડાપૂર ફૂલોની દુનિયા.

‘સાગર’ આ દુનિયા છે ખૂબ નિરાળી,

નિરાશાને કરે ચૂર ફૂલોની દુનિયા.

(૬)

ઈશ્વરનો હૈયાહાર ફૂલોની દુનિયા,

પૃથ્વીનો ધબકાર ફૂલોની દુનિયા.

‘સાગર’ આ દુનિયા રસભર્યું વાદળ,

વરસે સાંબેલાધાર ફૂલોની દુનિયા.

(૭)

સૂર્ય જેવું ચમકે ફૂલોની દુનિયા,

ઝાંઝર જેવું ઝમકે ફૂલોની દુનિયા.

‘સાગર’ આ દુનિયાથી રહેશો ન દૂર,

અત્તર જેવું ધમકે ફૂલોની દુનિયા.

(૮)

ફેલાવે સદા સુવાસ ફૂલોની દુનિયા,

અલૌકિક રમાતો રાસ ફૂલોની દુનિયા.

‘સાગર’ સર્જનહારનો માનો આભાર,

બનાવી જેણે ખાસ ફૂલોની દુનિયા.

- ‘સાગર’ રામોલિયા

બુધવાર, 14 નવેમ્બર, 2012

સાલમુબારક

સૌને જિંદગી ખુશહાલ મુબારક,

સૌને મારા સાલ મુબારક.

- ‘સાગર’ રામોલિયા

રવિવાર, 28 ઑક્ટોબર, 2012

ખિસકોલી (મોનોઈમેજ)

(૧)

ઝાડની ડાળ-ડાળ

જાણે ખિસકોલીના

અવનવા રસ્તા!

(૨)

ખિસકોલીના

પટ્ટાવાળા પારદર્શક

શરીરમાં અટવાયા

શ્રીરામ!

(૩)

ખિસકોલીથી

સમય

કંટાળતો નહિ હોય!

તે બોલવાનું

બંધ જ

નથી કરતી!

(૪)

શ્રદ્ધા-અંધશ્રદ્ધામાં

અટવાયેલો

ખિસકોલી જેવો

આપણો જીવ,

નક્કી નથી કરી શકતો

કે

મરેલી ખિસકોલી પાછળ

શેનું દાન કરવું?

સોનાનું કે ચાંદીનું?

કે પછી

આવી કવિતાનું......?

- ‘સાગર’ રામોલિયા

રવિવાર, 14 ઑક્ટોબર, 2012

ફૂલોની દુનિયા part 2

(૩)

જુઓ આજ નાચે છે ફૂલોની દુનિયા,

મસ્ત બની રાચે છે ફૂલોની દુનિયા.

‘સાગર’ આ ફૂલો ટમટમતા તારલા,

દુનિયાને વાંચે છે ફૂલોની દુનિયા.

(૪)

ક્યાંય નહિ ઝૂકે આ ફૂલોની દુનિયા,

સૌંદર્ય નહિ મૂકે આ ફૂલોની દુનિયા.

‘સાગર’ જગમાં એની અનેરી અમીરાત,

ભાવ નહિ ચૂકે આ ફૂલોની દુનિયા.

- 'સાગર' રામોલિયા

રવિવાર, 7 ઑક્ટોબર, 2012

મળો (મુક્તક)

મળો તો હેતથી મળો,

ન કોઈ સંકેતથી મળો.

મળે ‘સાગર’ અંતર રાખી,

એને સો વેંતથી મળો.

- ‘સાગર’ રામોલિયા

રવિવાર, 30 સપ્ટેમ્બર, 2012

ફૂલોની દુનિયા (મુકતકો)

(૧)

આનંદમાં લહેરાય છે ફૂલોની દુનિયા,

મંદ-મંદ હસી જાય છે ફૂલોની દુનિયા.

‘સાગર’ આ ફૂલોને દુ:ખની ક્યાં ખબર!

નિત નવા પ્રેમે રોપાય છે ફૂલોની દુનિયા.

(૨)

સૂર-સૂરમાં મિલાવે તાલ ફૂલોની દુનિયા.

કણ-કણમાં ફેલાવે વ્હાલ ફૂલોની દુનિયા.

‘સાગર’ આ દુનિયાની જુઓ વિશાળતા,

આ જગમાં માલામાલ ફૂલોની દુનિયા.

- 'સાગર' રામોલિયા

રવિવાર, 11 માર્ચ, 2012

બાળક (મુક્તકો)

(૧)
તારલા બની ટમટમે બાળક,
મોર બનીને ખૂબ રમે બાળક.
'સાગર' વાદળ બનીને ગરજે,
ફોરમ બનીને ભમે બાળક.
(૨)
મન જગતનું રાજા બાળક,
વગાડતું રહે વાજાં બાળક.
'સાગર' ઋતુ ગમે તેવી હોય,
સદાયે રહે તરોતાજાં બાળક.

'સાગર' રામોલિયા

રવિવાર, 5 ફેબ્રુઆરી, 2012

ग़म

(१)
आज हम चाहे तो भी ग़म न मिले,
ग़म बढ़ानेवाली रहम न मिले।
बिना घाव के भी दर्द बढ़ाता चले,
ऐसा कोई भी हमें ज़खम न मिले।
(२)
ग़म मिले तो ग़म का ख़याल न आये,
ग़म न सह पाये ऐसा काल न आये।
'सागर' तैर जाये पकडके तिनका,
मझ़धार में रहे ऐसा हाल न आये।

- 'सागर' रामोलिया

રવિવાર, 10 જુલાઈ, 2011

ઝંખના (મુકતકો)

(૧)
પવનની જેમ ફરફરે ઝંખના,
વરસાદીબુંદે ઝરમરે ઝંખના.
'સાગર' તને મળીને શીખ્યો એટલું,
વિરહમાં દિલે ઘર કરે ઝંખના.
(૨)
ઝંખનામાં તરફડું, યાદ કરું તને,
હાલતાં-ચાલતાં પડું, યાદ કરું તને.
'સાગર' આટલેથી કેમ કરી અટકે?
ઝંખનાના નીરે રડું, યાદ કરું તને.

- 'સાગર' રામોલિયા

રવિવાર, 6 ફેબ્રુઆરી, 2011

બાળક

(૧)
ઈશ્વરનું રૂપ બાળક,
રહે નહિ ચૂપ બાળક.
આદેશો આપતું રહેતું,
જાણે કોઈ ભૂપ બાળક.
(૨)
ધૂળ સાથે રમે બાળક,
ભેદ વિના ભમે બાળક.
'સાગર' મેલું-ઘેલું હોય,
તોયે સૌને ગમે બાળક.

- 'સાગર' રામોલિયા

શનિવાર, 25 ડિસેમ્બર, 2010

ઝંખના (મુક્તકો)

(૧)
ઝંખના ઝળહળે ને તું અંધકારમાં,
ઝંખી તને સાંજે તો તું મળે સવારમાં
'સાગર' ઝંખી ઝંખી થઈ ગયો બેહાલ,
ફરતી મૂર્તિ બન્યો જાણે તારા પ્યારમાં.
(૨)
યાદ તારી આવી ને ટળવળી ઝંખના,
મનની દીવાલોમાં ખળભળી ઝંખના.
'સાગર'ને શ્વાસ લેવાની ફુરસદ ક્યાં?
રુંવે રુંવે આજ તો સળવળી ઝંખના.
- 'સાગર' રામોલિયા